مدرسة ميت كنانة الإعدادية بنين 1

مدرسة ميت كنانة الإعدادية بنين 1

جيل المستقبل جيل القيم والأخلاق


    انا المصرى

    شاطر

    gamal elshemy
    المدير العام على المنتدى
    المدير العام على المنتدى

    عدد المساهمات : 179
    تاريخ التسجيل : 03/02/2010
    العمر : 51

    انا المصرى

    مُساهمة  gamal elshemy في الخميس مارس 25, 2010 12:24 pm

    الأسم مصرى
    واللقب فرعون
    أنا اللى
    التاريخ أنكتب
    وحكى فى الكون
    المصرى أبو الدنيا
    من بداية الكون
    مر عليا عصور
    بنور
    وعصور حجر
    وكسور
    وعصور أنا المنتصر
    وعصور انا المهزوم
    أما فى عصر النهاردة
    تشوفونى أنا المعصور
    أوصافى
    عاطل
    والعيش بالطابور
    وولادى جالهم أنيميا
    وعضمهم هش ومكسور
    والبلهارسيا صابتهم
    بالشلل
    وراسهم بتلف
    والموت عليهم دور
    وحاجات متسرطنه
    كله فى عصرى أنا
    مارة علينا مرور
    ما تقلش ماتش كورة
    ولا أشارجى مرور
    تصدق أنى مصرى
    بالزمة ده معقول
    هدومى متهربدة
    ويشهد رب الكون
    يوم فى السيدة
    ويوم فى الحسين
    والكدابين بيغنوا
    مصرى
    كريم العنصرين
    أنا مين أنا فين
    أنا اللى عامونى
    وغموا العينين
    انا اللى بشوف طشاش
    أنا اللى بقيت خواف
    أنا اللى الزمن جار عليا
    يا ريتنى بطرحه وبيشه
    ويقولوا ولية
    أكرم من دى عيشة
    وسيوف الندل
    متراشقة فيا
    عامل عليا فارس
    وعلى الأعداء ولية
    يا رب أنت المحتسب
    وعالم باللى فيا
    أدينى شوية
    شجاعه
    مناعه
    وداوى اللى بيا
    آخد قرار أنتحارى
    م المر اللى فيا
    وأموت كريم الأصل
    ولا أعيش
    فى الكون وليا

      الوقت/التاريخ الآن هو السبت ديسمبر 10, 2016 9:04 pm