مدرسة ميت كنانة الإعدادية بنين 1

مدرسة ميت كنانة الإعدادية بنين 1

جيل المستقبل جيل القيم والأخلاق


    الاستفتاء الدستورى

    شاطر

    تصويت

    هل انت مع الاستفتاء الدستوريه

    [ 0 ]
    0% [0%] 
    [ 1 ]
    100% [100%] 
    [ 0 ]
    0% [0%] 

    مجموع عدد الأصوات: 1

    احمد السيد سبتان
    المدير العام
    المدير العام

    عدد المساهمات : 100
    تاريخ التسجيل : 03/03/2010
    الموقع : مدرسة ميت كنانة الاعدادية بنين 1

    الاستفتاء الدستورى

    مُساهمة  احمد السيد سبتان في الخميس مارس 24, 2011 11:23 am

    اولا راى انا مش معها لكن نقبل الوضع السائد

    الأمبرة هجينة الدم

    عدد المساهمات : 13
    تاريخ التسجيل : 17/04/2010
    العمر : 20

    رد: الاستفتاء الدستورى

    مُساهمة  الأمبرة هجينة الدم في الجمعة مارس 25, 2011 5:50 am

    أنـــــا أؤيــــدك وبشــــدة...
    لان فـــى الاستفتاءات دى كـــان لازم نقــول لا زى مــا حصــــل فى تونــــس ...أحب انى اوضح شـــئ فى ناس كتيررررررر بتقـــول ان التعديلات دى مؤقتـــة ولمـــا الرئيــــس الجديـد يجى هيعمـــل واحد جديد بس ازاى بس رئيـــــس فى الدنيا هيقلل من صلاحياتـــه وهيقيد نفسه ويخلى الشعب يتحكم فيه ، وكمان الدستور ده دستور سنة1971 مع بعض التعديلات اللى طرأت عليه سنة 1980 وكمان من الرئيس مبارك يعنى وبمعنى اصح لعبوا وغيروا فيه لمــــا قالوا بس وطبعا احنا اكيد مننساش دور السادات الله يجحمه فى التلاعب بالمواد الدستورية وان هو اللى غير المادة التانية للدستور التى تنص على عدم تحديد مدة معينة لحكم الرئيس وفى اول نص المادة كتب ان الدين المصرى هو الاسلام فطبعا وافقوا على المادة من غير ما يكملوها ...
    على العمــــوم شكرا ليك لكن انا خلاص قربت افقد الامل من آراء الناس اللى حواليا ربنا يسطر على البلد وتحياتى ليك
    وشكرا

    black queen
    مشرف على منتدى الثقافة العامة
    مشرف على منتدى الثقافة العامة

    عدد المساهمات : 25
    تاريخ التسجيل : 23/03/2011

    رد: الاستفتاء الدستورى

    مُساهمة  black queen في الجمعة مارس 25, 2011 6:20 am

    شكرا للاميرة هجينة الدم على الرد
    يا ايتها الاميرة ده رايك ان لا هي الافضل فماتفرضيش على حد رايك وتقولى كان المفروض لان فى ناس رايها غيرك خالص وزي ما قولت الاستفتاء خلص وفوزنا نحن اي المؤيدين بنعم بنسبة كاسحة فلا داعي لتحصر على الماضي وبعدين مصر مش زي اي حد مش هينفع نقارنها بتونس او غيرها وليه لا ؟
    يمكن الرئيس الجديد يبقى كويس ويغير الدستور ويخليه احسن ما انه كويس حتى دلوقتي لو سمحتيي يا اميرة لا تسمح لكي ولا اظن ان هناك مصري يسمح لكي باهانة الرئيس الراحل محمد انور السادات اللي من غيره بعد فضل ربنا لكنا فى خبر كان والحياة اللي احنا عيشنها دي بفضله بعد فضل ربنا فلا اظن ان واحدة مصرية عندها دم تهين السادات وتعديلات دستورية ايه اللي علشان خاطرها بتهين السادات هو انتي دايما تنظري الى السلبيات وتنسي الايجابيات واظن ان السادات مالهوش غلطة الا الثغرة فى حرب اكتوبر غير كده مفيش فانا معرفش اقولك ايه
    احسن ان هو ماعملش مدة معينة لدستور على الاقل عشنا فى خير الرئيس مبارك 30 سنة وماكناش بنعد
    وبعدين هو الدين المصري هو الاسلام ايه الغلط فى كده اكثر من 50% من السكان مسلمين واما المسحيين او الديانات اخري فهم مجرد شريحة من المجتمع المصري ولا يمثلون ديانة شعب بل يقال عنه اقليات
    وان شاء الله الامل لسه موجود وربنا يستر وماتكونش الثورة السبب فى القاء مصر للمجهول
    وياريت تحاولي تستفيدي من اراء من حولك احسن ليكي من الكلام اللي بتقوليه ده
    وشكرا ليكي على ردك
    ومع تحياتي للجميع



    pink princess
    مشرف عام على منتدى الثقافة العامة
    مشرف عام على منتدى الثقافة العامة

    عدد المساهمات : 153
    تاريخ التسجيل : 16/03/2011
    العمر : 20

    رد: الاستفتاء الدستورى

    مُساهمة  pink princess في الجمعة مارس 25, 2011 7:17 am

    انا فى البدايه احب اشكر احمد على الموضوع بس خلاص الاستفتاء خلص و كل الكلام ده ملهوش اى فايده لان خلاص الشعب قال كلمته والحمد لله الفوز كان كاسح لان ده رأى الشعب الحقــيقـــى
    وثانيا احب ارد على الاميره هجينه الدم
    احنا اولا ملناش دعوة بتونس احنا ملنا ومالهم ليه نبقى زيهم يعنى ؟؟؟!!! الحقيقه مش فاهمه الجمله دى
    وانا بقول تانى لو كنا قولنا لا ايه بقى الخطه بعد كده يعنى ايه الى هيحصل بعدها ؟؟البلد هتبقى رايحه للمجـــــهووول... انما لما الشعب قال نعم والحمد لله على طول انهارده المجلس الاعلى للقوات المسلحه طلع بيان بلموفقه على التعديلات وخلاص هيبقى فيه انتخابات برلمانيه ورئاسيه والبلد تبدء تستقر وعلشان تبقى عارفه البورصه رجعت تانى تتعدل بعد ما الشعب قال نعم الناس كلها حست بالاستقرار ...
    ايوه الدستور هيتغير بعد انتخاب رئيس جديد .. وبعدين ايه هى الصلاحيات الزياده دى من وجهة نظرك يعنى المفروض ان ده رئيس جمهوريه وله صلاحيات كتيررر و الرئيس الجديد هيبقى منتخب من الشعب وهيكون كويس ان شاء الله ...
    انا مش بسمح ليكى ولا لاى حد انه يتكلم على الرئيس السادات الـــــــلــــه يــــرحـــمــــه لانه بطل من ابطال مصر الى مش هيتكررو ابدااااااااااااااا ولانه عمل لمصر حاجات اكتر منى ومنك ومن مصريين كتيرررررر وهو صاحب قرار العبور ولولاه بعد ربنا سينا كانت هتفضل محتله زى الجولان دلوقتى و كنتى هتعرفى يعنى ايه فقر وظلم وذل كويس لو كنتى عيشتى ايام الاحتلال وكنت هتعرفى قيمه الراجل ده وقميه الى عمله ويارب يرحمه ويدخله جنات النعيم و معتقدش ان ده سبب يخليكى تتكلمى على واحد زى السادات لمجرد ماده فى الدستور ..
    وانا عكسك تماما انا متفائله لان ده من طبعى اصلا وكمان لانى حسيت ان الشعب ابتدء يفوق .. واعتقد انك لازم تسمعى لكلام الناس الى حوليكى وتتقبلى رأيهم زى ما انا بتقبل رأيك وبحترمك
    وشكرا للملكه السوداء على ردها قالت كلام كتير انا كنت عايزه اقوله
    مع تحياتى للجميع

    ????
    زائر

    رد: الاستفتاء الدستورى

    مُساهمة  ???? في الجمعة مارس 25, 2011 8:01 am

    اولا احب اشكر الاميرة الوردية والملكة السوداء على الرد
    على فكرة السادات اللي انتي بتشتمي ده لحم اكتافك من خيره يا ناكرة الجميل يعني الراجل حرر ارضنا ورجع لنا سينا وتيجي واحدة زيك وتشتم فيه او تهينه يا سبحان الله وبعدين انا مش هعلق على كلامك التافه ده كله لان ده مش هيفرق صحي النوم الاستفتاء خلص وكفاية بقى احنا زهقنا من كلام ده والشعب خالص قال كلمة الحق والحمد لله بان معدن الشعب المصري مش كام مليون اللي وقفوا فى التحرير يبقى الشعب المصري فلو سمحتي لو عندك دم احترمي الراجل اللي هو عمل لمصر اكتر مني ومنك ومن دون السادات كنتي هتشوفي ايام زي الزفت وكنتي هتشوفي النجوم فى عز الدهر
    ومع تحياتي لاجمل عضوتان فى المنتدي

    ?.???
    زائر

    رد: الاستفتاء الدستورى

    مُساهمة  ?.??? في الجمعة مارس 25, 2011 8:17 am


    اولا احب ارد على الاميرة هجينة الدم على ردها الماسخ
    تونس منين علشان نبقى زيها احنا مش زي حد كل واحد مستقل بذاته ماشي وعلى راي الملكة السوداء ماتقوليش المفروض خلي رايك لنفسك وما تفرضيش على حد الراي بتاعك ده اولا غير كده تعديلات دستورية وعملنا استفتاء وخلصنا ولا انتي يا حرام مش مصدقة ان الشعب المصري اغلبيته فاهمين السياسة وغير طبعا فى اقلية اللي انتي منهم وده مش شتيمة فيك بس باين انه اتضحك عليكي او انتي عايزة تثبتي للجميع انك مثقفة فامشية وراء الموجة وخلاص وغير كده نيجي للرئيس الراحل انور السادات انتي مين اصلا علشان تقولي عليه كده ؟ وانا مش عارف الدنيا حصل فيها ايه ؟ علشان تكوني عارفة الرئيس السادات ده هزم اسرائيل وخرجها من ارضنا بعد ما كانت عشيشت خلاص وغير كده كتير اوي ولو عايزة تعرفي روحي دوري على كتاب بيتكلم عن انجازات السادات وهتلاقي كتير اوي غير الكتب الفاسدة اللي بتقرايها والله اعلم انتي بتقراي ايه ماشي ويارب ربنا يوريكي الويل علشان تعرفي العز اللي كنت عايشة فيه فى ايام مبارك ونحتل علشان تعرفي قدر السادات وعلى فكرة ده قريبا جدا وهتشوفي
    واشكرك الملكة السوداء على ردها هي والاميرة والوردية وبلال على ردهم
    ومع تحياتي للاعضاء

    Do not tell me no

    عدد المساهمات : 7
    تاريخ التسجيل : 17/03/2011

    رد: الاستفتاء الدستورى

    مُساهمة  Do not tell me no في الجمعة مارس 25, 2011 8:27 am

    بصي يا اميرة احنا كلنا هنا بحترم رايك ايان كان وراي أي حد مخالف للراي بتاعنا وكل واحد له وجهة نظر وانا بحترم وجهة نظرك جدا بس لازم برضو تلزمي حدودك فى رايك ده يعني اظن ان مفيش حد هنا مختلف على الرئيس السادات
    وغريب اوي ان القي واحدة بتدعي انها مصرية وبتحب مصر تقول كده على رئيس زي الرئيس محمد انور السادات
    وعلى فكرة انا مع التعديلات الدستورية الجديدة وكمان كنت ما القديمة فمش معقول كل الناس غلط وانتي العبقرية الصح يعني والفوز ما كنش مثلا اكتر من خمسين فى الميه بالواحد لا ده كان فوز كاسح يعني هو د ه راي الاغلبية اما رايك انا ما شفتش زيه الا قليلا وعلى فكرة كل الكلام اللي بتقوليه ده فى الهوا والحمد لله الاستفتاء خلص وخلصنا من الوش ده فياريت تصدقي كده واحنا عارفنا وجهة نظرك وكفاية لت وعجن فى الموضوع ده
    ومع تحياتي لجميع الاعضاء اللي ردوا عليكي

      الوقت/التاريخ الآن هو الأحد ديسمبر 04, 2016 7:25 pm